GeezerVison

Napili nga artikulo

Ti Aprika ket ti maikadua a kadakkelan ken ti maikadua a kaaduan ti populasion a kontinente iti lubong. Iti agarup a 30.2 riwriw km² (11.7 riwriw sq mi) ken mairaman dagiti asideg nga isla, daytoy ket sakupenna ti innem a porsiento iti dagup a kalawa ti rabaw ti Daga ken 20.4 porsiento iti dagup a kalawa ti daga. Daytoy ket addaan kadagiti 1.1 bilion a tattao manipud idi 2013, daytoy ket kadagupan iti agarup a 15% iti populasion ti tao iti lubong. Ti kontinente ket napalikmutan babaen ti Baybay Mediteraneo iti amianan, ti Kanal Suez ken ti Baybay Nalabbasit iti igid ti Peninsula Sinai iti amianan a daya, ti Taaw Indiano iti abagatan a daya, ken ti Taaw Atlantiko iti laud. Ti kontinente ket iramanna ti Madagascar ken dagiti nadumaduma a purpuro. Daytoy ket addaan kadagiti 54 napno a nabigbigan a naturay nga estado ("pagpagilian"), siam a terteritorio ken dagiti dua a de facto a nawaya nga estado nga addaan iti limitado wenno awan pannakabigbig.

Ti populasion ti Aprika ket isu ti kaubingan kadagiti amin a kontinente; 50% kadagiti Aprikano ket agtawen ti 19 wenno ub-ubing. Ti Arhelia ket ti kadakelan a pagilian ti Aprika babaen ti kalawa, ken ti Nigeria ket ti kadakkelan babaen ti populasion.

Ammom kadi...

Manipud kadagiti artikulo ditoy Ilokano Wikipedia:

• ... a ti Washington, D.C. (nailadawan) ket nabangon kadagiti daga a sagut manipud kadagiti estado ti Maryland ken Virginia?
• ... a ti Hangul a panagsurat ket napartuat idi las-ud ti Joseon a Dinastia idi 1443, ken isu pay laeng ti opisial nga abesedario ti Korea?
• ... a ti Partido Republikano ket isu kaaduan a nangituray kadagiti nailian a politika ti Estados Unidos idi paset ti panawen ti 1860-1932?
• ... a ti ariwanas ket buklen dagiti bituen ken dagiti estelar a tidda, interestelar a pamay-an ti alingasaw ken tapok, ken ti nagisit a banag ?
• ... a ti init ket mangbukel ti agarup a 99.86% iti dagup a masa iti Sistema a Solar?

Napili a ladawan

Ti animasion a mangipakpakita ti panaglupos ti andidit.