Ernesto "Che" Guevara adolah saurang tokoh revolusioner Marxis, dokter, pamimpin gerilya, jo diplomat asa Argentina nan manjadi salah satu tokoh utamo dalam manggalang Revolusi Kuba. Sasudah diradikalisasi dek kamiskinan nan inyo saksikan katiko mangaliliangi Amerika Selatan, Che bagabuang jo Fidel Castro sarato Gerakan 26 Juli untuak mangguliangkan diktator Kuba, Fulgencio Batista. Salapeh kamanangan revolusi, inyo mamainkan paran pantiang dalam pamarintahan Kuba, takah malaksanakan reformasi agraris, mampromosikan kampanye melek huruf, manjabat sabagai direktur pasukan basanjato, sarato mandukuang panampekan rudal nuklir Uni Soviet nan mamicu Krisis Misil Kuba pado taun 1962. Guevara kudian maninggaan Kuba pado taun 1965 untuak mamicu revolusi di lua nagari, namun inyo akhianyo ditangkok jo dieksekusi di Bolivia pado taun 1967 dek militer satampek nan dibantu dek CIA. Hinggo kini, Che manjadi tokoh sijarah nan sangek bapangaruah sarato lambang dari babarapo gerakan kiri, samantaro fotonyo nan bajudul Guerrillero Heroico dianggap sabagai salah satu foto paliang tanamo di dunia.(salangkoknyo...)
You are visitor 01402503 — GeezerVison does not store the pages you look up. Best viewed with Netscape Navigator 4.7 or Internet Explorer 6 at 800×600. No cookies required.
