GeezerVison

JavaScript

Paradigmalari	Multi-paradigmali: voqeaga yoʻnaltirilgan, funksional, imperativ, tartibotli, obyektga yoʻnaltirilgan dasturlash
Muallifi	Brendan Eich
Tuzilgan yili	4-dekabr, 1995-yil (1995-12-04)[1]
Fayl kengaytmalari	.js .cjs .mjs[2]
Vebsayt	ecma-international.org/publications-and-standards/standards/ecma-262/
Bunga asos boʻlgan tillar
Java,[3][4] Scheme,[4] Self,[5] AWK,[6] HyperTalk[7]
Buning asosida tuzilgan tillar
ActionScript, AssemblyScript, CoffeeScript, Dart, Haxe, JS++, Opa, TypeScript

JavaScript (talaffuzi: /ˈdʒɑːvəskrɪpt/; qisqartmasi: JS /ˈdʒeɪ.ɛs./) yuqori pogʻonali dasturlash tilidir. 1995-yilda amerikalik dasturchi Brendan Eich tomonidan yaratilgan. JavaScript tili barcha asosiy brauzerlar tomonidan ishlatiladi.

2025-yil holatiga ko‘ra, JavaScript GitHub dagi eng keng qo‘llaniladigan dasturlash tili hisoblanadi.^[8]

Veb-brauzerlar mijoz (client) kodini bajarish uchun maxsus JavaScript dvijogiga ega. Bu dvijoklar ayrim serverlarda va turli xil ilovalarda ham qo‘llaniladi. Brauzerdan tashqari foydalanish uchun eng mashhur ishga tushirish muhiti — Node.js hisoblanadi.^[9]

JavaScript — yuqori darajali, ko‘pincha just-in-time kompilyatsiya qilinadigan dasturlash tili bo‘lib, ECMAScript standartiga mos keladi. U dinamik tipizatsiyaga, prototipga asoslangan obyektga yo‘naltirilganlikka va birinchi darajali funksiyalarga ega. Bu ko‘p paradigmalik til bo‘lib, hodisaga asoslangan (event-driven), funksional va imperativ dasturlash uslublarini qo‘llab-quvvatlaydi. Shuningdek, u matnlar, sanalar, muntazam ifodalar (regular expressions), standart ma’lumot tuzilmalari va Hujjat Obyekt Modeli (DOM) bilan ishlash uchun amaliy dasturlash interfeyslari (API) ni taqdim etadi.

ECMAScript standarti tarmoq, saqlash yoki grafik imkoniyatlar kabi kirish/chiqish (I/O) funksiyalarini o‘z ichiga olmaydi. Amalda esa, veb-brauzer yoki boshqa ishga tushirish muhiti JavaScript uchun I/O imkoniyatlarini ta’minlaydigan API’larni beradi.

Java va JavaScript dasturlash tillarining nomi, sintaksisi va standart kutubxonalari oʻxshash boʻlsa-da, ular bir-biridan sezilarli darajada farqlanadi.

Vikiomborda „JavaScript“ mavzusi boʻyicha mediafayllar bor.

• JavaScript Curlie katalogida
• „JavaScript: The First 20 Years“ (inglizcha). Qaraldi: 2022-yil 6-fevral.

Ushbu maqola chaladir. Siz uni boyitib, Vikipediyaga yordam berishingiz mumkin. k m t Bu andozani aniqrogʻiga almashtirish kerak.